ادلعاها..وولعها.. [الأرشيف] - شبكة منتديات الكوت

تفاحة القلب

02-06-2007, 12:02 PM

بعـد ماقابلتـنـي عاتبـوهـا

على شوف الحبايب حاسبوهـا

خذوها وأبعدوها غصب عني

وعن وجهة طريقـي جنّبوهـا

وشالوها عن عيونـي غصيبـه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوهـا

كلام وصدّقوا بالبنت كذبـه

وهم اللي مـن أول كذّبوهـا

وهم وشدخلهم في مـال بيّـن

لبوهـا والخـلايـق طالبـوهـا

وفيّـه لاتـخـون ولاتعـانـد

جسوره والمواعيد أرعبوهـا

مـلاكٍ كاملـه والكـامـل الله

ولكـن العـواذل عذربوهـا

وهي كلما دعتني تشتكي لي

عـن اللـي سالفتنـا سرّبوهـا

تخاف وتلتفت مع كل كلمـه

تظن أن العـواذل راقبوهـا

تلفّت من عقب ماهي جريئـه

شجاعـه ماتهـاب وهيّبـوهـا

وأهدّيها وأنـا حايـر وثايـر

مصيبـه ياعـذابٍ عذبـوهـا

وهم كلما خذوها عن طريقي

تراهم صوب قلبـي قرّبوهـا

وأنا ماتعّبـت قلبـي خيانـه

خيانـه رتّبوهـا وأحسبـوهـا

ولا يعجـز خفوقـي لايقـابـل

جفا مـن حاربـوه وحاربوهـا

وأنا لي عـزّة ٍ تفـرض عليّـه

أخاطب بالجفا مـن خاطبوهـا

وأكسر لوحة الماضي وأزيلـه

وأخرّبهـا مثـل ماخرّبـوهـا

وأذوّقهم ندم ماصـار فيهـا

وأشرّبهم من اللـي شرّبوهـا

وأدلّعهـا وأولّعهـا بنفسـي

وأشرٌّقهـا بعـد ماغرّبـوهـا

وأعوّضها عن اللي راح كلـه

وعن ذيك الليالـي كلّبوهـا

غلاهـا بالحشـى لازال ثابـت

ولـو حتـى بغيـري حبّبوهـا

وغلاي بقلبهـا مـرّ وتعـدى

غـلاهـا لأمـهـا ولا لأبـوهـا

مع اطيب التحايا :)
تفـــــــــــــا11حـــــــــة القــــــــــــــلب