المساعد الشخصي الرقمي

مشاهدة النسخة كاملة : هذا مهــــري .........ياترى منهو يجيبه ؟؟

q6eewa
08-18-2005, 03:42 AM
ماأبي عقد وأساور.....

ماأبي أغلى الجواهر.....

ماأبي رقص وعذاري......

في حفل أنس وسهاري.....

ماأبي احيا...بليله توصف بأجمل خرافه........

(ماأبي غدر الكلافه)



ماأبي قصر وحديقه....

واسم من ضمن الأكابر.....

ماأبي وهم الحقيقه....

وحلم تبنيه المظاهر....

حلمي أغلى......

من مهر تخشى بأنك تصرفه

مهري اغلى.....

من حدود العالم اللي تعرفه



مــــهــــري

القلب الحنون.......

وعقل يعشق في جنون......

وروح ماتقدر تخون......

مـــهــــري

تكون السعاده.....

عهد للعمر ومداده.......

ورحمة القلب ووداده.......

مــــهــــري

تعيش لوجودي..

واحيا عمري في وجودك...

صاينه لأجلك عهودي....

قدوتي صادق عهودك......

مــــهـــــري

تتمنى حياتي

تختلط فيها حياتك

تمتلك روحي وذاتي

واصبح اسرارك وذاتك......

مــــهـــــري

مايقدر يجيبه...!!

صاحب الثروه العجيبه...


ياترى




ياترى





ياترى




,,




,,




,,




ياترى من هو يجيبه.......؟؟؟؟



ــــــــــــــــــــــــــــــــــــــــــــــ

اتمنى ان تنال اعجابكم
جووووووووود
هاوية الأنتقام
08-18-2005, 11:10 AM
كلمات رائعه حقا ياأختي الوحده فينا ماتدور الا راحة البال وفلووس الدنيا كلها ماتشتريهاا
الله ينولج اللى ببالج بس انا برشح لج خوش معرس اشرايج بالكوووت
نواف السالم
08-19-2005, 05:35 AM
بصراحه المهرر صعب لأن بصراحه قليل اللي يقدر يجيب المهر يا جووود !!!!!
بنت الشرقية
08-19-2005, 06:04 AM
مثل ماقال الاخ ياجود
قليل اللي يقدر يجيب المهر ياجود
بس المهم الانسان يعرف نفسه اذا كان يقدر يجيب مثل هالمره اولا
واللي يطلب هالمر اكيد لازم يكون يستحق ولا ماكان طلبه
على العموم الناس مقامات ومحد ياخذ اكثر من نصيبه
الله ينولك اللي في بالك وتلقين اللي يقدرك ويستحقك
q6eewa
08-19-2005, 06:06 AM
اشكر الجميع على مرورهم الرائع


وانا مانزلت القصيد اخت هاوية الانتقام عشان ترشحون لي احد
تحيتي للجميع
هاوية الأنتقام
08-19-2005, 11:02 AM
ياقلبي أضحك وياج يعني من صج بزوجج للكوت أخاف أشتغل خطابه بعدين الكوت مضرب عن الزواج لووووووووووووووووووووووووول مثلى
الكــوت™
08-19-2005, 11:32 AM
انا مثلج هاويه مضرب عن الزواج
:)
أخت هاويه
09-07-2005, 04:54 PM
لووووووووووووول الكوت وهاويه بزوجكم بعض ههههههههههههههههههههه

مشكوره على الموضوووع الرائع
q6eewa
09-09-2005, 03:48 AM
اخت هاوية
اشكرك علىمرورك
تحيتي لك
دلوعة الكويت
09-10-2005, 07:53 AM
غاليتي جود

يعطيج العافيه حبيبتي

كلمات بغاية الروعه

وانا اضم صوتي لصوت بنت الشرقية




تحياتي لج

اختج دلوعه
القناص
09-23-2005, 01:15 AM
المهر مستحيل لأنه موجود في المدينة الفاضلة فقط
بو احمد
09-24-2005, 10:51 PM
هذا تجمع الكوت الصحيح الأخوان والأخوات يتحاورون بعد طول غياب ومن طول الغيبات جاب الغنايم وغنيمتنا اليوم هذه الأبيات من الأخت جود
شكرا شكرا شكرا
القناص
09-27-2005, 03:39 AM
إذا مصرة على شروطك بتقعدين عانس طول عمرك
بس الله سبحانة وتعالى عطانا العقل
وأتمنى للأخت جود تحقيق أمنياتها
وبنفس الوقت أتمنى انها تكون

واقـــــعــــــــــيــــــــــــــــــــــــــــــ ـــــــــــــة
q6eewa
01-20-2006, 09:10 PM
دلوعة الكويت &القناص &بواحمد
شاكرة لكم مروركم الرائع
واسفة على تاخري بالرد
وثانيا هذا شي جميل ان تتلطبة الفتاة حتى لاتكون رخيصة بل غالية بنظر اهلها وزوجها

دمتم بود
aly
08-26-2006, 01:51 AM
تسلم يا مميز على الموضوع الحلوو
REFA3Y
08-26-2006, 04:51 AM
مشكوووووووووره جود على هالكلمات الحلوه
* النجم *
09-04-2006, 01:43 PM
مشكور يا الغالي على الموضوع الحلوو

والله ماقصرت اخوي وبيض الله وجهك

تسلم يا مميز على الموضوع الحلوو
mo_sheko
09-07-2006, 08:50 AM
مشكور يا الغالي على الموضوع الحلوو