عفريته قمر
08-17-2007, 05:03 AM
الـ،،،ــلام عليـ،ـكم ورحمـ،ـهـ اللهـ وبـركأتـهـ..
هذي اول مشاركة لي وارجو اني الاقي منكم ردود ،،،
ابدي قصتي وانشالله ما اطول عليكم ..
في سنة 2004 بعطلة 15 و تعرفون الكل بهالعطلة بالمخيمات وبر ووناسه ... في يوم من الايام كنت انا وثنيتين من بنات خالتي سهرانين وتعرفون طبعا سهره في البر والماطور مسكر والدوة جدامنه وحدنا بردانين والأكل حوالينا من جلكسي وبيبسي وبطاط وكستنه وحده وناااسه dqwetrfewg وكان ظلمة مافي الا نور الجمروالقمر :) وكانت وحده من بنات خالتي تسولف علينا سوالف جن واحنا حدنا خايفين وكل شوي تقول شوفوا وراكم..! منو هذا..! انا اسمع صوت ..! احد ينادي..! تعرفون تحاول تخرعنا واحنا كنا مندمجين بالسالفه ولاّ احد يحرك علينا الخيمة ويحرك الاكياس اللي برا ومتنا حدنا من الخوف وشوي احد يصرّخ... ويطلع خالي، المهم ارتحنا طبعا عقب ما عصبنا عليه واهو ضحك علينا وراح ينام ومابقى احد بالمخيم الكل نااايم ... ياماما :( وعقب ما شق النور شوي وطلع الزراق حسينا شوي بالامان وراح الخوف منا وكانت بنت خالتي اللي كله تسولف عن الجن مجابله الباب وانا وبنت خالتي الثانية ظهرنا للباب .. انزين ولا شوي واحنا قاعدين نسولف جان بنت خالتي تقول : بنات شوفوا اللي وراكم بسرعه ... احنا قلنا : بلا عبط عشان تخوفينا صح ؟!سكتي و فكينا من سوالفج البايخة .. والمسكينه تحلف .. عاد انا لفيت وراي ويوم لفيت اطلعت عيوني .. تدرون شنو شفت ..؟!؟؟! شفت واحد كأنه يسوق بقي بس اهو مرتفع شوي عن الارض ومافي شي تحته وعنده شي طاير معاه كأنه كيس ،، واهو كان قريب حيل علينا داش بين خيامنا واهو كان حده سريع .. وبعدها قمت انا وطلعت برا الخيمة ابي اشوف شنو هذا انا ماكنت متخيله انه صج جن او خيال عبالي رجال عادي وابي اعرف شيبي فطلعت .. وبنت خالتي مو ام السوالف لا الثانية حدها خوافه والمسكينه من اللي شافته قالت جني وعملتها من الخوف .. كككككككككك وطلعت مع ام السوالف (: ركضنا وراه واناديه واقول ياهيــه يارجال انت ، بس مايلتفت علينا ولا يتحرك وكان لابس دشداشه بنية ومتلثم بشماغ ومثل ما قلت كأنه يسوق بقي واهو لف المقطر كله وانا طلعت من بين الخيام واركض وراه وعقب دقيقتين ما وعيت الا تكرمون جوتي كافخني على راسي ولا منو ولد خالتي يخانقنا ليش تصرخون وتركضون فقعتونا من نومنا يالله كل وحده على فراشها واحنا بنفهمه بس واحد توا قاعد من عز نومه r3r3r3thtr ومعصب شلون نتفاهم معاه طبعا سكتنا وخمدنا الا المسكينه بنت خالتي الخوافه قرت القران كله يالله نامت .
بس اقولكم من هذاك اليوم ليلحين عمري ماخفت من شي لاني شفت خيال مدري جن جدام عيني ولا سوالي اي شي . فصار عندي هالشي عادي بس والله ماانسى ذاك اليوم بس وقتها ماكنت خايفه والله بعتها وركضت وراه بعدين اسوتعبت انه مافي رجال جذي يدخل بين خيام فقلت وربي مجنونه قاعده اركض ورا شنو انا؟؟ .. والله العالم شنو هذا هل هو انس او جن او خيال ..؟..؟..
وارجو تعجبكم سالفتي وتاخذون منها العظة والعبرة << شكو
وسوري اني طولت عليكم شسوي قرقه :) هلاّ هلاّ بردودكم ناطرتكم ترا
هذي اول مشاركة لي وارجو اني الاقي منكم ردود ،،،
ابدي قصتي وانشالله ما اطول عليكم ..
في سنة 2004 بعطلة 15 و تعرفون الكل بهالعطلة بالمخيمات وبر ووناسه ... في يوم من الايام كنت انا وثنيتين من بنات خالتي سهرانين وتعرفون طبعا سهره في البر والماطور مسكر والدوة جدامنه وحدنا بردانين والأكل حوالينا من جلكسي وبيبسي وبطاط وكستنه وحده وناااسه dqwetrfewg وكان ظلمة مافي الا نور الجمروالقمر :) وكانت وحده من بنات خالتي تسولف علينا سوالف جن واحنا حدنا خايفين وكل شوي تقول شوفوا وراكم..! منو هذا..! انا اسمع صوت ..! احد ينادي..! تعرفون تحاول تخرعنا واحنا كنا مندمجين بالسالفه ولاّ احد يحرك علينا الخيمة ويحرك الاكياس اللي برا ومتنا حدنا من الخوف وشوي احد يصرّخ... ويطلع خالي، المهم ارتحنا طبعا عقب ما عصبنا عليه واهو ضحك علينا وراح ينام ومابقى احد بالمخيم الكل نااايم ... ياماما :( وعقب ما شق النور شوي وطلع الزراق حسينا شوي بالامان وراح الخوف منا وكانت بنت خالتي اللي كله تسولف عن الجن مجابله الباب وانا وبنت خالتي الثانية ظهرنا للباب .. انزين ولا شوي واحنا قاعدين نسولف جان بنت خالتي تقول : بنات شوفوا اللي وراكم بسرعه ... احنا قلنا : بلا عبط عشان تخوفينا صح ؟!سكتي و فكينا من سوالفج البايخة .. والمسكينه تحلف .. عاد انا لفيت وراي ويوم لفيت اطلعت عيوني .. تدرون شنو شفت ..؟!؟؟! شفت واحد كأنه يسوق بقي بس اهو مرتفع شوي عن الارض ومافي شي تحته وعنده شي طاير معاه كأنه كيس ،، واهو كان قريب حيل علينا داش بين خيامنا واهو كان حده سريع .. وبعدها قمت انا وطلعت برا الخيمة ابي اشوف شنو هذا انا ماكنت متخيله انه صج جن او خيال عبالي رجال عادي وابي اعرف شيبي فطلعت .. وبنت خالتي مو ام السوالف لا الثانية حدها خوافه والمسكينه من اللي شافته قالت جني وعملتها من الخوف .. كككككككككك وطلعت مع ام السوالف (: ركضنا وراه واناديه واقول ياهيــه يارجال انت ، بس مايلتفت علينا ولا يتحرك وكان لابس دشداشه بنية ومتلثم بشماغ ومثل ما قلت كأنه يسوق بقي واهو لف المقطر كله وانا طلعت من بين الخيام واركض وراه وعقب دقيقتين ما وعيت الا تكرمون جوتي كافخني على راسي ولا منو ولد خالتي يخانقنا ليش تصرخون وتركضون فقعتونا من نومنا يالله كل وحده على فراشها واحنا بنفهمه بس واحد توا قاعد من عز نومه r3r3r3thtr ومعصب شلون نتفاهم معاه طبعا سكتنا وخمدنا الا المسكينه بنت خالتي الخوافه قرت القران كله يالله نامت .
بس اقولكم من هذاك اليوم ليلحين عمري ماخفت من شي لاني شفت خيال مدري جن جدام عيني ولا سوالي اي شي . فصار عندي هالشي عادي بس والله ماانسى ذاك اليوم بس وقتها ماكنت خايفه والله بعتها وركضت وراه بعدين اسوتعبت انه مافي رجال جذي يدخل بين خيام فقلت وربي مجنونه قاعده اركض ورا شنو انا؟؟ .. والله العالم شنو هذا هل هو انس او جن او خيال ..؟..؟..
وارجو تعجبكم سالفتي وتاخذون منها العظة والعبرة << شكو
وسوري اني طولت عليكم شسوي قرقه :) هلاّ هلاّ بردودكم ناطرتكم ترا