زملكاوي شديد
07-11-2008, 03:27 PM
بسم الله الرحمن الرحيم
قبل ما ابدأ الموضوع عارف ان فى ناس كتير بالذات من الدول العربيه الشقيقه زي بعض دول الخليج وسوريا وفلسطين والغير عربيه زي ايران تعتبر السادات خائن وانه باع القضيه كلها بالسلام مع اسرائيل وانى ممكن اتعرض للهجوم من البعض بسبب دفاعي عن السادات انا استغيت الفرصه عشان اكتب الموضوع ده لاني فى منتدى كبير زي الكوت يعني اللى هيقرا المواضيع هيكون من اغلب الجنسيات العربيه .
نبدأ:-
اولا مين هو السادات؟
الرئيس الراحل محمد انور السادات وهو رئيس جمهورية مصر العربيه واتولى السلطة بعد وفاة الرئيس جمال عبد الناصر سنة 1971 .
ثانيا سبب حبي للسادات؟
انا معاصرتش السادات ولكن اتربيت فى بيت يعشقه عرفت هو مين وايه الانجازات اللى عملها وبعد كده لما بدأت اتوسع فى معرفتى ليه بدات اعرف ان فى ناس بتكرهه كره العما زي مابنقول بالمصري فوجئت فعلا بهؤلاء الاشخاص وواجهتهم اكثر من مره عشان اعرف ايه السبب الكره لقيت السبب غاية فى الغباء مع احترامي لكل من يعتقد ان هذا سبب للكره السبب الاول والرئيسي ( معاهدة كامب ديفيد) وعلى وصف كارهي السادات
ان كامب ديفيد ضيعت حق العرب فى مقابل ان مصر تاخد ارضها .....
ردي بسيط جدا على كل من يتوقع ان السادات خائن
انا عايز منك تتخيل وتفكر كده ايه اللى كان ممكن يحصل لولا معاهدة كامب ديفيد؟
اقلك انا ايه اللى كان هايحصل (مسح مصر من على الخريطة)
ايوة بالنص اللى انا كاتبة بالظبط السادات قالها مره ان 99% من مفاتيح اللعبه فى يد امريكا وفعلا ده صحيح العرب كلهم عايزين من السادات الاستمرار فى الحرب عندما فشلت سوريا من جهتها فى الحرب مع اسرائيل .
بصراحه كده والكل عارف ان مصر كانت بتحارب امريكا مش اسرائيل وبما ان السادات عقليه شديدة الذكاء لا يستوعبها الا من درسها جيدا كلنا عارفين الجسر الجوي الامريكي اللى ساهم فى الحرب جداااا مع اسرائيل وكان ممكن يقلب موازين الحرب لمصلحة اسرائيل لذا اسرع السادات بعرض السلام وفى ذلك الوقت لن يستطيع العدو رفض السلام امام العالم كله لذا فأن معاهدة السلام مع اسرائيل فكره جيده 100% .
عرض السادات السلام على اسرائيل من مبدأ (المنتصر) مش زي اليومين دول نتحايل على اسرائيل تدينا حتة ارض نعيش فيها لا عرض السلام واخد ارضه وكان هايحرر الجولان اللى لسه محتل لحد دلوقتى ويعطي للفلسطينين حقهم فى مقابل ذلك هايعترف بأن اسرائيل دوله ونفاجأ دلوقتى ان الفلسطينين عايزين يعملو سلام مع اسرائيل من الاخر كده (لما تشوف حلمة ودنك)مصر خدت اللى هى عايزاه وكانت عايزه العرب يبقوا معاها عشان ياخدو حقهم لكن للاسف خذلوه وقالو عنه خاين لانه هايرجع ارضهم فعلا شر البليه مايضحك.
رفض العرب الصلح مع اسرائيل وقاطعو مصر واصبحت مصر دولة منعزلة عن العالم العربي وليس لها حلفاء سوى امريكا واسرائيل .
سؤالي هنا للعرب جميعا ......
لو كانت السادات ارضاكم كان هيحصل ايه طب لما مصر (تتمسح من على الخريطه) كنتو هتعملوا ايه ماظنش ان كنا هنعمل حاجه لان امريكا مستعدة تحمي اسرائيل حتى لو كانت مستعدة تضرب مصر بقنبلة نووية لكي لا تقضي مصر على اسرائيل وتدمرها
(طبعا لازم مننساش فضل العرب فى قطع البترول عن اسرائيل فى الحرب).
عشان كده لازم النظره للسادات الله يرحمه تتغير .
وفى الاخر عايز منكم تعليقاتكم الموضوع وانا اتقبل النقض دايما
ومستعد لاى مناقشة مع اخوانى فى المنتدى .
مش منقووووول
اخوكم أدهم ............
قبل ما ابدأ الموضوع عارف ان فى ناس كتير بالذات من الدول العربيه الشقيقه زي بعض دول الخليج وسوريا وفلسطين والغير عربيه زي ايران تعتبر السادات خائن وانه باع القضيه كلها بالسلام مع اسرائيل وانى ممكن اتعرض للهجوم من البعض بسبب دفاعي عن السادات انا استغيت الفرصه عشان اكتب الموضوع ده لاني فى منتدى كبير زي الكوت يعني اللى هيقرا المواضيع هيكون من اغلب الجنسيات العربيه .
نبدأ:-
اولا مين هو السادات؟
الرئيس الراحل محمد انور السادات وهو رئيس جمهورية مصر العربيه واتولى السلطة بعد وفاة الرئيس جمال عبد الناصر سنة 1971 .
ثانيا سبب حبي للسادات؟
انا معاصرتش السادات ولكن اتربيت فى بيت يعشقه عرفت هو مين وايه الانجازات اللى عملها وبعد كده لما بدأت اتوسع فى معرفتى ليه بدات اعرف ان فى ناس بتكرهه كره العما زي مابنقول بالمصري فوجئت فعلا بهؤلاء الاشخاص وواجهتهم اكثر من مره عشان اعرف ايه السبب الكره لقيت السبب غاية فى الغباء مع احترامي لكل من يعتقد ان هذا سبب للكره السبب الاول والرئيسي ( معاهدة كامب ديفيد) وعلى وصف كارهي السادات
ان كامب ديفيد ضيعت حق العرب فى مقابل ان مصر تاخد ارضها .....
ردي بسيط جدا على كل من يتوقع ان السادات خائن
انا عايز منك تتخيل وتفكر كده ايه اللى كان ممكن يحصل لولا معاهدة كامب ديفيد؟
اقلك انا ايه اللى كان هايحصل (مسح مصر من على الخريطة)
ايوة بالنص اللى انا كاتبة بالظبط السادات قالها مره ان 99% من مفاتيح اللعبه فى يد امريكا وفعلا ده صحيح العرب كلهم عايزين من السادات الاستمرار فى الحرب عندما فشلت سوريا من جهتها فى الحرب مع اسرائيل .
بصراحه كده والكل عارف ان مصر كانت بتحارب امريكا مش اسرائيل وبما ان السادات عقليه شديدة الذكاء لا يستوعبها الا من درسها جيدا كلنا عارفين الجسر الجوي الامريكي اللى ساهم فى الحرب جداااا مع اسرائيل وكان ممكن يقلب موازين الحرب لمصلحة اسرائيل لذا اسرع السادات بعرض السلام وفى ذلك الوقت لن يستطيع العدو رفض السلام امام العالم كله لذا فأن معاهدة السلام مع اسرائيل فكره جيده 100% .
عرض السادات السلام على اسرائيل من مبدأ (المنتصر) مش زي اليومين دول نتحايل على اسرائيل تدينا حتة ارض نعيش فيها لا عرض السلام واخد ارضه وكان هايحرر الجولان اللى لسه محتل لحد دلوقتى ويعطي للفلسطينين حقهم فى مقابل ذلك هايعترف بأن اسرائيل دوله ونفاجأ دلوقتى ان الفلسطينين عايزين يعملو سلام مع اسرائيل من الاخر كده (لما تشوف حلمة ودنك)مصر خدت اللى هى عايزاه وكانت عايزه العرب يبقوا معاها عشان ياخدو حقهم لكن للاسف خذلوه وقالو عنه خاين لانه هايرجع ارضهم فعلا شر البليه مايضحك.
رفض العرب الصلح مع اسرائيل وقاطعو مصر واصبحت مصر دولة منعزلة عن العالم العربي وليس لها حلفاء سوى امريكا واسرائيل .
سؤالي هنا للعرب جميعا ......
لو كانت السادات ارضاكم كان هيحصل ايه طب لما مصر (تتمسح من على الخريطه) كنتو هتعملوا ايه ماظنش ان كنا هنعمل حاجه لان امريكا مستعدة تحمي اسرائيل حتى لو كانت مستعدة تضرب مصر بقنبلة نووية لكي لا تقضي مصر على اسرائيل وتدمرها
(طبعا لازم مننساش فضل العرب فى قطع البترول عن اسرائيل فى الحرب).
عشان كده لازم النظره للسادات الله يرحمه تتغير .
وفى الاخر عايز منكم تعليقاتكم الموضوع وانا اتقبل النقض دايما
ومستعد لاى مناقشة مع اخوانى فى المنتدى .
مش منقووووول
اخوكم أدهم ............